Хоккейден Қазақстан құрамасы жастар арасындағы әлем чемпионатына сапарын аяқтады. Үш кездесудің негізгі уақытында жеңіске жетіп, турнирдің күміс медальдарын мойынға тақты. Соңғы шешуші матчта біздің хоккейшілер Норвегияға жол беріп, қарсылас топ-дивизионға шықты. Қазақстан «жастарының» үздік ойыншысы болып «Барыс» форварды Дінмұхамед Қайыржан танылды, алайда әлемдік біріншілікте басқа да ойыншылар белгілі бір нәтижелерге қол жеткізіп, түрлі статистикалық көрсеткіштер бойынша турнирдің топ-15-іне кірді. Сандар сөйлесін.
Турнирдегі тойтарылған соққылар пайызы бойынша үздік нәтиже «Снежные барсы» голкипері Роман Шеферге тиесілі. Оның көрсеткіші – 92.8%. Қақпашы бір шатаут рәсімдеп, 5 кездесудегі 269:56 минут ішінде 116 сейв жасады. Бұл ретте ойыншы 2022-2023 жылғы маусымда Pro Ligasy-да 6 матч өткізді.
Шабуылшылар Роман Ермак (4+1), Всеволод Логвин (3+2), Дінмұхамед Қайыржан (2+3), Алдияр Нұрлан (1+4) 5 ұпайдан жинап, ӘЧ бомбардирлерінің топ-15-іне кірді. Қайыржанды қоспағанда, олардың үшеуі келесі жастар біріншілігіне қатыса алады.
Мұнан басқа, Роман Ермак 4 гол салып, турнирдің үздік сұрмергендерінің бірі атанды, дәл осынша шайбаны венгриялық Бенце Ховард пен франциялық Эмиль Тавернье салды.
Сондай-ақ біздің команданың форвардтары Всеволод Логвин (+7), Роман Ермак (+6), Алдияр Нурлан (+5), Даниил Цыбин (+5) мен Дінмұхамед Қайыржан (+4) +/- көрсеткіштері бойынша пайдалы ойыншылардың топ-15-іне кірді. Бұл ретте Логвин +/- жалпы жиынтық кесте бойынша аталмыш көрсеткіш бойынша екінші орында тұр.
Илья Шапоров ұтып алынған шайба тастаулар бойынша екінші орын алды. Оның қоржынында 55-тің 35-і бар, пайыз бойынша 63,6%, оны Франция командасындағы Пол Шмитт 4,22%-ға басып озды.
Дінмұхамед Сапарбек ұтып алынған шайба тастаулар бойынша 14-ші орында, ол 75-тің 38-ін ұтып алды, ұтып алу пайызы – 49,33%.
БАСТЫ БЕТКЕ ОРАЛУ