Кеңстік және қазақстандық жаттықтырушы, Қазақстанның еңбек сіңірген жаттықтырушысы Анатолий Мелихов дүниеден өтті. Анатолий Михайлович 1943 жылдың 15 сәуірінде Челябинск облысының Усть-Катав қаласында дүниеге келді. 1970 жылы педагогикалық институтты аяқтады, Глубоковск ауданының «Ертіс» командасы үшін ойнады. Өзі аға нұсқаушы болып жұмыс жасаған «Алтайсвинецстройға» (Өскемен) жарысқа қатысуға көмектесті. Хоккей мектебінде алдымен монтаждаушы, кейін балалар бапкері болып жұмыс жасады. Шайбалы хоккейден Шығыс Қазақстан облыстық олимпиадалық резерв мектебінде әдіскер болды. Оның шәкірттерінің арасында танымал хоккейшілер бар – Андрей Пчеляков, Максим Комиссаров, Сергей Невструев, Константин Сподаренко, Дмитрий Уппер, Сергей Александров, Андрей Трощинский, Виталий Новопашин, Антон Комиссаров, Денис Шемелин және басқалары.
1995-1997 жылдар аралығында Өскеменде «Торпедо-2» командасында бапкер болып жұмыс жасады. 1997-1998 жылғы маусымда Қазақстан жастар құрамасының бапкері ретінде қызмет етті. 2003/04 маусымында Қазақстан чемпионатында «Барыстың» және U18 Қазақстан құрамасының бас бапкері болды.
Анатолий Михайловичтің туыстары мен жақындарына қайғырып көңіл айтамыз.
БАСТЫ БЕТКЕ ОРАЛУ
PRO
JAS
QYZ
TUN
JAS NOMAD
