Универсиада-2023 көрсеткіштері. Мухаметов пен Диханбек – хоккей турнирі статистикасының көшбасшылары

22 қаңтар күні АҚШ-тың Лэйк-Плэсидінде Дүниежүзілік Қысқы Универсиада аяқталды. Онда хоккейден Қазақстан құрамасы қола медальдар иеленді. Үшінші орын үшін ойналған матчта біздің хоккейшілер жапондықтарды ірі есеппен жеңді (8:1). «Алтынды» Канада командасы, «күмісті» АҚШ жеңіп алды.

Турнирдің командалық статистикасында біздің құрама бірнеше санат бойынша үздік атанды.

Сонымен, соққыларды іске асыру пайызы бойынша Қазақстан құрамасы бірінші орында. Турнирдің 7 матчында, оның ішінде плей-оффта біздің команда қақпаға 259 соққы жасап, оның 42-сі жетер жеріне жетті. Іске асыру пайызы – 16,6%. Ізінше Венгрия – 16,04% және Канада 14,08%.

Сонымен қатар қазақстандықтар артық құрам ұйымдастырудан үздік атанды – 34,1%. Біздің хоккейшілер 41 рет артық құрам ұйымдастырып, 14 рет оны іске асырды. Жапония мен Канада бұл көрсеткіш бойынша екінші және үшінші орында.

Тойтарылған соққылар пайызы бойынша да Қазақстан құрамасы бірінші орында. Жеті матчта біздің голкиперлер 12 гол өткізді, барлығы 178 соққыға тойтарыс берілді. Тойтарылған соққылар пайызы – 93, 68%, бір ойында орта есеппен 1,71 шайба өткізілген.

Андрей Шутов 4 толық матчты және Канадаға қарсы жартылай финалдық кездесудің үшінші кезеңін ойнады, бір шатаут рәсімдеп, барлығы 6 шайба өткізді. Роман Калмыков Кореяға қарсы бір кездесу өткізіп, бір гол өткізді. Денис Каратаев екі матчта 5 шайба өткізді.

Жекелеген статистикаға өтейік. Турнирдің үздік бомбардирі шабуылшы Максим Мухаметов болды, форвард 7 матчта 15 ұпай (6+9) жинады, сондай-ақ ассистенттер жорығында бірінші қатарды иеленді және Батырлан Мұратовпен бірге турнир сұрмергендерінің үшінші қатарын иеленді. Мұратов 11 ұпай (6+5) жинап, бомбардирлер рейтингісінің үшінші қатарын америкалық Люк Акуаромен бөлісті. Саян Данияр – 10 балмен (4+6) тоғызыншы орында, Максим Мусоров 9 (4+5) ұпаймен 15-ші қатарда.

Бірден үш қазақстандық қорғаныс ойыншысы қорғаушы-бомбардирлер статистикасының көшбасшысы болды. Мәди Диханбек бірінші орында, турнирде +7 пайдалылық көрсеткішімен 7 (0+7) ұпай жинаған жалғыз қорғаушы. Ізінше 6 (2+4) ұпаймен Данил Бутенко тұр, үшінші орынды 4 шайбаны лақтырып, 1 нәтижелі пас берген Кирилл Полохов алды. Турнирдің жиынтық кестесінің ассистенттері арасында Диханбек 6-орында.