Үш қазақстандық хоккейші ҰХЛ драфтына ілігуі мүмкін

14 января 2026

ҰХЛ Орталық скауттық бюросының аралық рейтингі жарияланды. Тізімге Қазақстаннан бірден үш хоккейші енді. Еуропалық ойыншылар арасындағы халықаралық рейтингте «Барыс» клубының шабуылшысы Семен Симонов 128 хоккейшінің ішінен 81-орында тұр. Солтүстік Америка рейтингінде Квебектің бас юниорлық лигасында өнер көрсететін «Викториявилл Тайгерз» командасының шабуылшысы Корней Корнеев 174-орынға жайғасты. Ал WHL лигасындағы «Принс-Альберт Рейдерз» клубының форварды Әлішер Сәркенов 175-орында тұр. Екі хоккейші де IA дивизионында өткен жастар арасындағы әлем чемпионатында Қазақстанның жастар ұлттық құрамасының сапында ойнап, жақсы статистика көрсетті. Корнеев турнирдің ең үздік бомбардирі атанып, 12 (6+6) ұпай жинады. Ал Әлішер Сәркенов чемпионаттың үздік сұрмергендері тізімінде үшінші орын алып, 9 (3+6) балл еншіледі.
ҰХЛ Орталық скауттық бюросының қорытынды рейтингі 2026 жылдың сәуір айында жарияланады. Ал ҰХЛ драфты 2026 жылғы 26–27 маусым күндері өтеді. БАСТЫ БЕТКЕ ОРАЛУ