23 ақпан мен 5 наурыз аралығында Ресей Федерациясының Кемеров облысында II «Азия балалары» қысқы халықаралық спорттық ойындары өтеді. Жарыстардың хоккей турнирі аясында 15 жасқа дейінгі Қазақстан құрамасы (2007-2008 ж.т.) өнер көрсетеді, матчтар Новокузнецкте өтеді.
17 ақпан күні «Барыс Аренада» 21 ақпанға дейін жалғасатын оқу-жаттығу жиындары басталды. Жиындар аясында құраманың «Астана-2006» командасымен жолдастық матчтар өткізуі жоспарланған. 23 және 24 ақпанда команда өзінің Новокузнецктегі алғашқы жаттығуларын өткізеді. Алғашқы матчты біздің хоккейшілер 25 ақпан күні Қиыр Шығыс Федералдық Округіне қарсы өткізеді. Хоккей турнирінің қатысушылары үш топқа бөлінген, Қазақстан құрамасы бірінші дивизионның А тобында Кузбасс, Саха Республикасы (Якутия) және Қиыр Шығыс ФО командаларымен ойнайды. Б тобында – Оралдық ФО, Беларусь және Сібір ФО. Өз топтарынан бірінші және екінші орындарды иеленген командалар турнирдің жартылай финалына шығады. Екінші дивизионда Өзбекстан және Қырғызстан командалары өнер көрсетеді.
U-15 құрамасының бас бапкері ретінде Георгий Верещагин тағайындалды.
PRO
JAS
QYZ
TUN
JAS NOMAD
