1XBET Pro Hokei Ligasy плей-оффының алдында төрешілерге арналған семинар өтті

20 ақпанда Pro Hokei Ligasy шайбалы хоккейден Қазақстан чемпионатының плей-офф матчтары басталады. Шешуші кезең басталар алдында қазақстандық төрешілерге арналған дәстүрлі семинар болып өтті. Оны ҚХФ бас арбитрі Алексей Анисимов және Ресей хоккей федерациясы (РХФ) төрешілік басқармасының басшысы Михаил Карпушин өткізді.

«Бұл плей-офф алдында өтетін әдеттегі семинар, - деді Михаил Карпушин, - тұрақты чемпионат негізінде әріптестер төрешілер арасында белгілі бір күдіктер туғызатын бірқатар тақырыптарды анықтады. Олар – «басқа шабуылдау», «қақпашыны бұғаттау», таяқпен итеру. Алайда бұған дейін көптеген видеоларды талқылағандықтан төрешілер эпизодтарды дұрыс талдайды. Біз сирек болатын сәттерге, нюанстарға, өзара іс-қимылдарға тоқталдық – біреу былай қараса, екіншісі қайда қарайды және нәтижесінде қалай дұрыс шешім қабылдауға болады? Біз белгілі бір матчтарды талдайтынымыз, плей-оффты қарайтынымыз, тұрақты чемпионатты азырақ қарайтынымыз түсінікті. Алайда біз келген сайын төрешіліктің деңгейі артып келе жатқанын байқаймыз», - деді РХФ төрешілік басқармасының басшысы.  

Аталмыш семинарлар Қазақстанның хоккей федерациясының Құрлықтық хоккей лигасымен және Ресей хоккей федерациясымен соңғы бес жылдағы ынтымақтастығы аясында Pro Hokei Ligasy-ның тұрақты чемпионаты мен плей-оффының басталуы алдында өткізіліп келеді.
БАСТЫ БЕТКЕ ОРАЛУ