Францияның Гренобль қаласында Құрлықтық кубоктің Е тобының матчтары аяқталды. Үшінші раундтың қорытынды матчында «Номад» латвиялық «Земгалемен» кездесті. Бұл ойында қазақстандық ұжым 4:1 есебімен жеңіске жетті. Николай Шульга дубль жасады, Максим Мусоров пен Диас Гусейнов бір-бір шайбадан салды.
Ең қиыны, турнирдің валийлік «Кардиффке» қарсы алғашқы матчы болды. 54-ші минутта «көшпенділер» 5:2 есебімен алда келе жатып, екі шайба өткізіп, жеңісті уыстан шығарып ала жаздады. Әйтсе де, 5:4 есебімен жеңді.
Алаң иелері «Гренобль» командасымен екінші ойында Федор Полищуктің ойыншылары 2:0 есебімен жеңді.
Осылайша, жүз пайыздық нәтижемен Е тобында «Номад» хоккейшілері Құрлықтық кубоктің финалдық раундында өздеріне орын дайындап қойды. Беделді жүлде 2024 жылдың қаңтарында ойнатылады. Турнирдің шешуші кезеңіндегі «Номадтың» қарсыласы сәл кейінірек белгілі болады.
БАСТЫ БЕТКЕ ОРАЛУ
PRO
JAS
QYZ
TUN
JAS NOMAD
