Никита Бояркин — Қазақстан тәуелсіздігі күніндегі жеңіс, Құрлықтық кубок пен «Барыстағы» мүмкіндік туралы

Қазақстан құрамасының голкипері Никита Бояркин BelarusHockey тілшісіне берген сұхбатында Бірінші арна кубогіндегі «Звезды и ВХЛ» командасына қарсы матчты қорытындылады (3:1)
- Бүгін Қазақстанда мереке – Тәуелсіздік күні. Бұл жеңуге қосымша жігер берді ме?
- Иә, кез келген жеңіс – біз үшін мереке. Командамыз жас, жігіттерді сырттай қарап байқауда. Бірінші рет ойнағандар да бар. Кез келген жеңіс – біз үшін мереке.
- Бұл жігіттердің көбісінің өткен әлем чемпионатындағы құрама сапында, сондай-ақ Құрлықтық кубокте ойнаған халықаралық тәжірибесі бар ма?
- Иә, әрине, белгілі бір аздаған тәжірибесі бар. Алайда ойыншылардың көпшілігінің ауыз толтырып айтарлықтай мол тәжірибесі жоқ.
- Қарашаның басында сіз «Номадқа» қаңтарда Кардиффте өтетін Құрлықтық кубоктің финалына шығуға көмектесіңіз. Онда жеңіске жету қаншалықты мүмкін әрі қиын болмақ?
- Әрине, мүмкін. Біз өткен айналымда өз ойынымызды көрсетіп, барлығын жеңдік. Барлығымен ойында өзімізді жақсы көрсеттік, ештеңе өзгермейді деп ойлаймын. Дәл сол хоккейімізді жалғастырсақ, барлығы оңынан болады деп санаймын.
- «Номадтық» жігіттердің көпшілігі үшін Бірінші арна кубогі осы турнирге дайындық іспеттес пе?
- Иә. Бүгінгі матч – командалардың Құрлықтық кубокте көрсететін деңгейі десек болады. Жақсы қарсыласпен ойнау – бұл жас жігіттер үшін әрдайым тамаша мүмкіндік.
- Биылғы маусымда «Барыс» құрамында ҚХЛ-ға оралудан үміттісіз бе?
- Әрине. Мен барымды салуға тырысып жүрмін. Менің де кезегім келіп, мүмкіндік туады деп ойлаймын. Негізгі құрамда бекуге тырысамын.
БАСТЫ БЕТКЕ ОРАЛУ