Қазақстан жастар құрамасы элиталық дивизионға мерзімінен бұрын жолдама алды

14 декабря 2023

Қазақстанның жастар құрамасы элитада! Франция құрамасы Австрияны жеңісімен Қаазақстан құрамасы IA дивизиондағы жастар әлем чемпионатының турнир кестесінде көш бастап, топ-дивизионға жолдаманы мерзімінен бұрын жеңіп алды. Тіпті қорытынды матчта Австриядан жеңіліп, Франция командасымен ұпай саны тең түскеннің өзінде жеке кездесулер көрсеткіші бойынша қазақстандық «жастар» чемпион атанады.
Еске сала кетейік, турнирдің төрт матчында біздің хоккейшілер Венгрия, Франция, Дания және Жапония командаларына қарсы ойындарда төрт рет жеңіске жетіп, 12 ұпай жинады. Австриямен қорытынды матчты команда желтоқсанның 16-сынан 17-сіне қараған түні өткізеді.
20 жасқа дейінгі команда соңғы рет әлемнің үздік жастар командаларының ондығында 2020 жылы өнер көрсетті. Ол кезде де командаға Сергей Старыгин жетекшілік еткен болатын. Келесі жастар әлем чемпионаты Канадада 2024 жылдың 26 желтоқсаны мен 2025 жылдың 5 қаңтары аралығында өтеді.

ҚХФ бас серіктесі – «Самұрық Қазына» ҰӘҚ» АҚ

ҚХФ серіктесі – Sport Qory спортты қолдау қоры

БАСТЫ БЕТКЕ ОРАЛУ