Eurasian Resources Group (ERG) компаниясы – Қазақстан құрамасының 2024 жылғы әлем чемпионатындағы бас демеушісі.
11 мамыр күні біздің ұлттық құрама Чехиядағы әлем чемпионатындағы ойынын Франция командасына қарсы матчпен бастайды. Ғалым Мәмбетәлиевтің ойыншылары турнирдің плей-оффына жолдама алу үшін Швеция, Латвия, Германия, Словакия, АҚШ және Польша командаларымен тартысқа түседі. Ойыншылар Прагада Ұлыбританияға қарсы жолдастық матч өткізіп, 5:2 есебімен жеңіске жетті, Никита Михайлис хет-трик жасады.
Бір жыл бұрынғыдай Қазақстан құрамасына әлем чемионатында ERG компаниясы қолдау көрсетіп, сонымен қатар Қазақстанның 2023 жылы 2027 жылғы әлем чемпионатын өткізуге өтінім беруіне демеушілік етті.
«Хоккейден ұлттық құрамаға қолдау көрсету арқылы біз спорттық қозғалысқа деген өз қолдауымызды білдіріп қана қоймай, барша қазақстандықтарды шабыттандырып, салауатты өмір салтын ұстануға шақырамыз. Хоккейшілеріміз мұзайдында бізге жеңіс сыйлап қана қоймай, туған жеріміз үшін мақтану мен ел болып бірігуге себеп болсын», - деді «Евразиялық Топ» ЖШС бас директоры Серік Шахажанов.
БАСТЫ БЕТКЕ ОРАЛУ