Қазақстанның хоккей федерациясы және BAUER компаниясы меморандум жасасты.
Тараптар өзара ынтымақтастықтың бірқатар бағыттарын айқындады, оның ішінде U18 қыздар құрамасымен техникалық серіктестік пен ауыл және әуесқойлар хоккейі бойынша турнирлер ұйымдастыруға ықпал ету бар.⠀
BAUER Hockey Kazakstan-нің маркетинг-менеджері Глеб Глуховичев: «Балалар және жасөспірімдер хоккейін дамыту – компаниямыз үшін басым бағыт. Жыл өте келе Қазақстанда осы спорт түрімен айналысатын балалар қатары артып келеді. Біздің Қазақстанда хоккейді дамыту мен насихаттауға қатысты биік мақсаттарымыз бар».
Меморандум аясында BAUER 21 жасқа дейінгі жігіттер мен қыздар арасынан екі бренд амбассадорларын таңдап, толықтай жабдықтармен қамтамасыз етеді және компанияның ауқымды іс-шараларына қатыстырады.
ҚХФ бас директоры Глеб Каратаев: «Елімізде бұқаралық және балалар хоккейін дамыту саласындағы жобаларды іске асыру жөніндегі мақсаттарымыз толығымен сәйкес келеді. Бұл бірлескен қадам жемісті ынтымақтастыққа жетелейтініне сенімдімін».
БАСТЫ БЕТКЕ ОРАЛУ
PRO
JAS
QYZ
TUN
JAS NOMAD
