Жастар әлем чемпионатындағы Қазақстан құрамасының алғашқы голын Венгриямен матчтың үшінші кезеңінде Дінмұхамед Сапарбек салды. Ойыннан кейін форвард өткен матч туралы ҚХФ баспасөз қызметіне берген сұхбатында пікір білдірді.
- Эмоциям тасып тұр, жігіттер тер төкті, қақпашыға көмектесті, бәрі жақсы, бапкердің тапсырмасын орындадық. Бастысы, бірінші голды салдық, әрі қарай жолымыз ашылды. Ойын жүре бастады, сенімдірек ойнап бастадық.
- Сен салған шайба – құраманың турнирдегі алғашқы голы. Қандай сезімдесің?
- Эмоциямды сөзбен айтып жеткізе алмаймын, командаластарға рақмет, маған пас берді, мен тек алға ұмтылып шығып, гол салдым.
- Үшінші кезеңде шығып, жеңісті жұлып әкеткен кезде сендерді алға не сүйреді?
- Бізге осы ойынды жеңу керек болды, жігіттер тырысты, тек қақпаға қарай ұмтылдық. Осылайша, ұмтылып, алғашқы голды салдық.
- Жанкүйерлерге айтарың бар ма?
- Ата-анама, атама сәлем жолдаймыз. Олар біз үшін тақым қысып, жанкүйер болып отыр. Біз оны сеземіз. Көрсетер ойынымыз алда.
БАСТЫ БЕТКЕ ОРАЛУ
PRO
JAS
QYZ
TUN
JAS NOMAD
