Антон Васин: «Біз өз клубтарымыз үшін емес, ел намысын қорғауға бара жатырмыз»

Қазақстан жастар құрамасы Словениядағы әлем чемпионатына дайындықты жалғастыруда. Қазақстан құрамасының бас бапкері Антон Васин команда құрамын қалыптастыру жайында пікір білдіріп, сондай-ақ КХФ баспасөз қызметіне берген сұхбатында жиындардың қалған кезеңіне арналған жоспарларымен бөлісті. - Антон Александрович, дайындық туралы айтып берсеңіз, немен жұмыстандыңыздар? - Астанада бір апталық оқу-жаттығу жиыны өтті, күніне екі рет – мұздағы және жалпы дене дайындығы бойынша жаттығулар жүргізілді. Сондай-ақ команданы біріктіру үшін теориялық дайындық пен психологты да қостық, олар өз клубтары үшін емес, ел намысын қорғауға бара жатқанын түсінсін дедік. Кейбір ойыншылар тұмаумен ауырды, бірақ ешқандай қауіп жоқ, бәрі қалпына келді. - Жолдастық матчтарға жоспарларыңыз қандай? - Бізбен екі қосалқы кандидат келді: біреуі тоғызыншы нөмірлі қорғаушы және он үшінші нөмірлі шабуылшы. Басты мақсат – 20 алаң ойыншылары мен қақпашыларды нақты анықтап алу. Ең маңыздысы – жарақатсыз ойнап шығу және әлем чемпионаттарында аса қажет компоненттерді пысықтау: бұл – көпшілік және кем құрамда ойын өткізу, сондай-ақ ойынның жалпы ұйымдастырылуы. - Жиынға кеңейтілген өтінімде қанша ойыншы болды, қандай да бір тосынсыйлар болды ма? - Бізде 37 ойыншы болды, және егер Санкт-Петербургтегі турнирге тек Қазақстан чемпионатында ойнайтын хоккейшілер барған болса, бұл жолы Солтүстік Америкадан келген жігіттер де қосылды – Абзал Әлібек, Әлішер мен Асанәлі Сәркеновтер, Корней Корнеев. Санкт-Петербургте қарап шыққан ойыншылардың бір бөлігін сұрыптадық. Күтпеген жерден құрамнан шығарылғандардың ішінде Артур Глухих бар – оның қызуы көтеріліп, төрт күн бойы ауырып жатты, әрі сапарға дейін толық айығып үлгермеді. Біз онымен сөйлестік, өзі де командаға кедергі келтірмес үшін ұша алмайтынын айтты. - Қарсыластарды қараған шығарсыздар, олар туралы не дейсіз? - Барлық 5 команда – Франция, Словения, Украина, Норвегия, Австрия – мықты командалар, оңай қарсылас жоқ. Тек біз әлі екі команданы – Украинаны және Францияны көре алмадық, бірақ 5 желтоқсанда олардың арасында Словенияда жолдастық матч өтеді, сол кезде бақылайтын боламыз. 5 желтоқсан – бізде демалыс, қалыпқа келеміз, ал 6-сында жаттығып, 7-сі күні Украинаға қарсы матчқа шығамыз. БАСТЫ БЕТКЕ ОРАЛУ