Қазақстан құрамасының қорғаушысы Әділ Бекетаев соққы күші бойынша ӘЧ-2024 хоккейшілерінің топ-3-тігіне енді, деп хабарлайды Халықаралық хоккей федерациясының (ИИХФ) баспасөз қызметі.
Бекетаев 162,38 км/с соққы күшімен екінші орын алды. Бірінші орында – Швеция командасының қорғаныс ойыншысы Виктор Хедман (163,05 км/с), үшінші орында — Швейцария құрамасының қорғаушысы Андреа Глаузер (161 км/с).
Еске сала кетейік, өткен әлем чемпионатында қазақстандық қорғаушы жалғыз шайбасын Швеция құрамасына қарсы салған болатын.